2022年3月28日消息，涉及香港人TPS身份，難民身份條款的《2022年美國競爭法案》（America COMPETES Act of 2022），在美國參議院（U.S. Senate）通過的版本中，完全剔除了香港人TPS、難民身份等條款。
由於聯邦眾議院和聯邦參議院所通過的法案內容有差異，所以根據程序，會將參議院版本（即無香港人救生艇條款的版本）發還予眾議院，然後兩院相關委員會再整合確定最終法案版本。
問題1：最終法案版本，有無可能加返「香港人救生艇」條款？
答案1：無人知！程序嚟講，係有可能嘅。但係而家「香港人救生艇」條款已經被剔除，按照以往經驗，通常都唔會加返入去。
問題2：係咪代表美國唔再支持香港人？
答案2：我唔覺得。2022年1月，《2022年美國競爭法案》啱啱出台時，我已經講過，唔需要對TPS或難民有太大期望。美國一向已經有一套行之有效嘅制度（譬如政治庇護），去接納逃避迫害嘅香港人（及世界上其他國家嘅人）。所以就算無TPS同難民條款都好，香港人並無特別損失甚麽。
問題3：邊度可以睇到法案原文？
答案3：好多網站都會追蹤著每個法案嘅進度。想睇最原汁原味嘅，睇返國會網站：H.R.4521 – America COMPETES Act of 2022
問題4：係邊個踢走香港人救生艇條款？
答案4：邊個都好，總之而家（暫時）無咗啦。想知詳情的話，可以自己睇國會網站：S.Amdt.5002 to H.R.4521
問題5：無咗「香港人救生艇」，點算好？
答案5：請參考此文：香港人TPS・香港難民10問10答。直接碌到落底，睇總結。
《【香港人TPS・難民】避風港救生艇條款（暫時…）全軍覆沒》有5个想法